மீன்வளம்

 

இலங்கையின் மீன்வளம் , மீன்வளர்ப்புத் தொழில் அபிவிருத்திக்கு உதவும் வியட்நாம்

இலங்கையின் மீன்வளம் மற்றும் மீன்வளர்ப்பு அபிவிருத்திக்கு இருதரப்பு உடன்படிக்கை செய்ய வியட்நாம் ஒப்புக் கொண்டுள்ளது.

அண்மையில் மீன்வளத்துறை அமைச்சர் டக்ளஸ் தேவானந்தாவுக்கும் இலங்கைக்கான வியட்நாமின் தூதர் பாம் கியு துக்கும் இடையில் இடம்பெற்ற கலந்துரையாடலின் போது மேற்படி தெரிவிக்கப்பட்டுள்ளது. இந்த கலந்துரையாடலில் இலங்கையில் மீன்வளம் மற்றும் நீர்வள ஆதாரங்களை வளர்ப்பதற்கான கூட்டு முயற்சிகள் குறித்து கவனம் செலுத்தப்பட்டது.

2021 முதல் 2025 வரை தொடங்கப்படும் மீன்வள திட்டங்களுக்கான இந்த இருதரப்பு ஒப்பந்தத்தில் கையெழுத்திட முடிவு செய்யப்பட்டது. இந்த ஒப்பந்தம் கடல் வெள்ளரி வளர்ப்பு மற்றும் நன்னீர் மீன்வளர்ப்பு உள்ளிட்ட மீன்வளர்ப்பு துறையில் நவீன முறைகள் மற்றும் அனுபவங்களைப் பரிமாறிக்கொள்வதுடன், இரு நாடுகளுக்கும் இடையிலான நிபுணத்துவத்தின் வளர்ச்சியையும் உள்ளடக்கியது.

மேலும் இந்த ஒப்பந்தத்தில் நாட்டின் மீன்வளத் துறையை அபிவிருத்தி செய்ய வியட்நாமின் நிதி உதவி குறித்தும் குறிப்பிடப்பட்டுள்ளது. நாராவுடன் இணைந்து இறால் வளர்ப்பு மற்றும் மீன்வளர்ப்பு தொடர்பான பட்டறைகளை நடத்த வியட்நாமின் நிபுணர்களை இலங்கைக்கு அழைக்கும் வாய்ப்பும் இந்த ஒப்பந்தத்தில் அடங்கும்.